Imbitasyon sa Dubai gibalibaran sa PBA

0
161
Dili moapil ang Philippine Basketball Association sa ipahigayon nga Dubai Expo 2020 gumikan sa nagkadaghang kaso sa coronavirus disease sa nasod.

Si Commissioner Willie Marcial nagpasalamat sa mga organizer sa international trade exhibition apan iyang giangkon nga ang pagpadala og delegasyon ngadto sa Dubai taliwa sa pandemya usa ka delikado nga lakang.

Ang 2021-2022 Governors’ Cup walay kasigurohan kon kanus-a makabalik gumikan sa pagpaubos sa Metro Manila sa Alert Level 3 nga maoy nagsuspenso sa tanang contact sports.

Ang duwa unang gi-schedule karong January 27 ngadto sa 30 didto sa Expo Sports Arena samtang ang tibuok Dubai Expo, usa ka trade fair nga nagpakita sa produkto gikan sa lainlaing mga nasod nagsugod niadtong Oktubre 1, 2021 ug matapos karong Marso 31, 2022.

Ang Expo 2020 na-postpone usab gumikan sa Covid-19 pandemic diin ang mga organizers nioktaba sa maong international affair gikan sa orihinal nga schedule sa Oktubre 20,2020 ngadto a April 2021.

Adunay ikaduha nga invitation nga gipadala ngadto sa PBA para unta sa duwa niadtong Marso sa niaging tuig apan ang PBA niingon nga dili kini haom aron moduwa sila didto sa Dubai.

Dili na bag-o sa PBA ang Dubai sanglit nakaduwa na sila og kaduha niadtong 2019 Governors Cup sa Coca-Cola Arena nga gibituonan sa NLEX, Barangay Ginebra ug San Miguel.

Disclaimer

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce, or modify comments posted here without notice. Posts that are inappropriate will automatically be deleted.

Forum Rules

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!